ရန်ကုန်မြို့က စည်ပင်​ရေ

အခုတ​လော ရန်ကုန်မြို့ရဲ့ အချို့​သော မြို့နယ်​တွေမှာ ရန်ကုန်မြို့​တော် စည်ပင် သာယာ​ရေး​ကော်မတီ​အောက်မှာရှိတဲ့ ​ရေ ရရှိရေးနှင့်​​ ရေ​ပေးဝေ​ရေးလုပ်ငန်း တာဝန်ခံ အဖွဲ့က​ ရေပိုက်လုံးကြီးများမြှုပ်နှံ​ ဆောင်ရွက်​ နေတဲ့ လုပ်ငန်းများကို သွားရင်းလာရင်း ကား​ပေါ်က​နေ ​တွေ့​တွေ့​နေရပါတယ်။

ရန်ကုန်မြို့​တော်ကြီးဟာ အခြားအခြား​သော တိုင်း​ဒေသကြီး၊ ပြည်နယ်များထက် လူဦးရေပိုမိုများပြားသလို အလုပ်ရုံ၊ စက်ရုံ​တွေ အပြင် လူ​နေအ​ဆောက်အအုံများကလည်း အလွန်ပင် များပြားလှပါတယ်။ စီးပွား​ရေး မြို့​တော်လို့ သတ်မှတ်​ခေါ်ဆိုမှုနဲ့အညီရေကြည် ရာ စီးပွားရှာသူတို့ လာ​ရောက်အ​ခြေချရာ​တိုင်းဒေသကြီးလည်း ဖြစ်ပါတယ်။

လူတစ်ဦးတစ်​ယောက်မှာ စား၀တ်​နေ​ရေး ဆိုတဲ့ အ​ရေးသုံပါးထက် အဓိက အကျဆုံး လိုအပ်ချက်က​ ရေကြည်​ရေ​ကောင်းကို​ နေ့စဉ် သောက်သုံးရဖို့ပဲ ဖြစ်ပါတယ်။

အဝီစိတွင်းရေကို ရယူသုံးစွဲ​နေရ ရန်ကုန်မြို့နေ လူ​တွေက ​ရေကြည်​ ရေ​ကောင်းရဖို့ကို မြို့တော်စည်ပင်က​ နေ့စဉ် ပေး​ဝေ​နေတဲ့​ ရေကိုရယူ​​နေရသလို အဝီစိတွင်း က​ ရေကိုလည်း ရယူသုံးစွဲ​နေရတာ ဖြစ် ပါတယ်။

ရန်ကုန်မြို့ လူဦးရေဟာ ၂၀၁၄ ခုနှစ်က​ကောက်ယူထားတဲ့ သန်​းခေါင်စာရင်းအရဆိုရင် ၅ ဒသမ ၁၆ သန်းရှိတယ်လို့ မှတ်တမ်းအရ သိရပါတယ်။ မြို့​တော်စည်ပင်က​ ရေ​ပေး​ဝေ နိုင်မှုက လူဦး​ရေ ၂ ဒသမ ၃၅ သန်းအတွက် လောက်သာ ​ပေး​ဝေနိုင်သေးတာကို​ လေ့လာ​ တွေ့ရှိ​နေရပါ​တယ်။ အဲဒီ​တော့ ကျန်တဲ့ ၂ ဒသမ ၈၁ သန်းဟာ ​မြေ​အောက်အဝီစိတွင်း​ ရေကိုသာ အားကိုးသုံးနေရသေး​ကြောင်း မှတ်ယူရမှာ ဖြစ်ပါတယ်။

ကြိုတင်မှန်းဆထားပြီးလည်းဖြစ် ကြာလာရင်​ မြေ​အောက်​ရေ ရယူသုံးစွဲမှု အန္တရာယ်က ရန်ကုန်မြို့​တော်ကြီးအ​ပေါ် ခြိမ်း​ခြောက်မှု​တွေ ဖြစ်လာနိုင်ပါတယ်။ ဒါကို လည်း ရန်ကုန်မြို့​တော်စည်ပင်သာယာ​ရေး​​ကော်မတီမှ တာ၀န်ရှိသူ​တွေက ကြိုတင် မှန်းဆထားပြီးလည်း ဖြစ်ပါတယ်။ ဒါ့​ကြောင့် မြို့​တော်စည်ပင်ရဲ့​ ရေ​ပေး​ဝေမှုကို အခုထက် အဆ​ပေါင်းများစွာတိုးပြီး​ ပေးနိုင်အောင် စီမံကိန်း​တွေ ချမှတ်လုပ်​ဆောင်​နေတာကို​တွေ့ရပါတယ်။

ရန်ကုန်မြို့​တော်ကြီးမှာ စည်ပင်အ​နေနဲ့ တစ်ရက်​ ရေ​ပေး​ဝေနိုင်မှုကို ဆန်းစစ်ကြည့်မယ် ဆို​ လှော်ကားကန်က ဂါလန် ၁၄ သန်း၊ ဂျိုးဖြူ ကန်က ဂါလန် ၂၇ သန်း၊ ဖူးကြီးကန်က ဂါလန် ၅၄ သန်း၊ ငမိုးရိပ်​ရေသန့်စင်စက်ရုံက ဂါလန် သန်း ၉၀ နဲ့​ မြေ​အောက်အဝီစိတွင်း​ပေါင်း ၄၉၅ တွင်းမှ ဂါလန်သန်း ၂၀ စုစု​ပေါင်း​ရေဂါလန် ၂၀၅ သန်းကို ဖြန့်​ဝေ​ပေး​နေတာပဲ ဖြစ်ပါတယ်။

ဒါကြောင့် ရန်ကုန်မြို့​​နေပြည်သူအများ အတွက်​ ရေဖြန့်​ဝေ​ပေး​နေမှုအ​ပေါ် သိလို သမျှကို ရန်ကုန်မြို့​တော်စည်ပင်သာယာ​ရေး​ကော်မ​တီ ​ရေရရှိ​ရေးနှင့်​ ရေ​ပေး​ဝေ​ရေး လုပ်ငန်း တာ၀န်ခံအဖွဲ့ဌာနမှူး (ဒုတိယ ညွှန်ကြား​ရေးမှူးချုပ်) ဦးမြင့်ဇော်သန်းကို ဆက်သွယ်​မေးမြန်းခဲ့ပါတယ်။

“ရန်ကုန်မြို့​တော်ကြီးရဲ့​ ရေ​ပေး​ဝေ​ရေး စနစ်ကို ပြောရရင် မူလစတင်​ပေး​ဝေခဲ့တဲ့ စနစ်က စ​ပြောပြချင်ပါတယ်။ ​ရေ​ပေး​ဝေ​ရေး မှတ်တမ်းအရ ၁၈၄၂ ခုနှစ်က စတင်ခဲ့တယ်လို့​​ ပြောရမှာဖြစ်ပါတယ်။ အဲဒီတုန်းက​ ရေတွင်း ကြီး ၃၀ က​နေ ​ ရေကိုရယူပြီး ဖြန့်​​​ဝေ​ပေး ခဲ့တာလို့ သိရပါတယ်။ ၁၈၇၉ ခုနှစ်ကျ​မှ ကန်​တော်ကြီးက​ ရေကိုယူပြီး ဖြန့်​ဝေ​ပေးတာ ဖြစ်ပါတယ်။ ၁၈၈၄ ခုနှစ်ကျ​တော့ အင်းလျား ကန်​ရေကို သွယ်ယူပြီး ကန်​တော်ကြီးကို​ ရေဖြည့်ခဲ့တာပါ။”

ကမ္ဘာ​​မြေဆွဲအားနဲ့ပဲလွှတ်​ “​လှော်ကားကန်က​နေ ​ရေ​ပေး​ဝေ​ရေးစနစ် ကို ၁၉၀၄ ခုနှစ်ကစခဲ့ပြီး ရန်ကုန်မြို့​တော်ကြီး ကို​ ရေ​ပေး​ဝေနိုင်ခဲ့တာဖြစ်ပါတယ်။ အဲဒီကစပြီး ကန်​တော်ကြီးနဲ့ အင်းလျားကန်ကို ပြန်လည် ပြုပြင်ပြီး ပြည်သူအများအပန်း​ဖြေအနားယူနိုင် ဖို့ ဖွင့်လှစ်ခဲ့တာဖြစ်ပါတယ်။ ရေ​ပေးတဲ့အခါ ကမ္ဘာ​​​မြေဆွဲအားကလည်း အ​ရေးပါလှပါတယ်။ လှော်ကားကန်က ​ရေကို ကမ္ဘာမြေဆွဲအားနဲ့ ရေလွှတ်​ပေးခဲ့ပြီး ဖိုးစိန်​ရေတွန်းစက်က တစ်ဆင့်​ ရွှေတိဂုံဘုရား​ရေ​လှောင်ကန်ထဲကို တွန်းပို့ခဲ့တာ ဖြစ်ပါတယ်။

အဲဒီကတစ်ခါ ကမ္ဘာ​မြေဆွဲအားနဲ့ပဲ​ ရွှေတိဂုံဘုရားလမ်း တစ်​လျှောက်ကနေ ရန်ကုန်မြို့တွင်း ရပ်ကွက်​ တွေကို​ ရေ​ပေး​ဝေခဲ့တာပါ။ ​ လှော်ကားက​နေလွှတ်တဲ့​ နောက်တစ်လိုင်းက သိမ်ဖြူလမ်း အထိကိုပဲ ကမ္ဘာ​​မြေဆွဲအားနဲ့ပဲ လွှတ်​ပြီး ရပ်ကွက်​တွေကို​ ပေး​ဝေနိုင်ခဲ့တာ ဖြစ် ပါတယ်။” ရေလုံလုံ​လောက်​လောက် ဖြန့်ဖြူး​​ပေး “နောက် ဂျိုးဖြူ​ရေ​လှောင်ကန်နဲ့ ဂျိုးဖြူ​ ရေ​ပေး​ဝေ​ရေးစနစ်ပါ ၁၉၄၀ ပြည့်နှစ်မှာ တည်​ဆောက်ပြီးစီးခဲ့ပါတယ်။ စနစ်ကျပြီး မြို့​တော် အတွက်​ ရေ​ပေး​ဝေ​ရေးအင်္ဂါရပ်​တွေနဲ့အညီ တည်​ဆောက်ခဲ့တာဖြစ်ပါတယ်။ ဒါကိုလည်း ကမ္ဘာ​မြေဆွဲအားနဲ့ပဲ ရန်ကုန်မြို့​တော်ကြီး မှာ ရေပေးခဲ့တာပါပဲ။ ဂျိုးဖြူ​ရေ​ပေး​ဝေ​ရေးစနစ် မှာ ကုက္ကိုင်း​ရေ​လှောင်ကန်က အ​ရေးပါပြီး အဓိက ကျခဲ့ပါတယ်။ ရေဂါလန်သန်း ၂၀ အထိ သို​လှောင်နိုင်တဲ့ ကန်ဖြစ်ပါတယ်။ မြို့လယ်​ကောင် Downtown Area ကို​ ရေလုံလုံ​လောက်​ လောက် ဖြန့်ဖြူး​​ပေး​​ဝေနိုင်ခဲ့တာပါ။”

“အဲဒီ​ခေတ်အခါက ရန်ကုန်မြို့လယ်ကို ပြန်ကြည့်ရင် အ​ရှေ့မှ အ​နောက်ဆိုတာက သိမ်ဖြူလမ်းက​နေ ဘုန်းကြီးလမ်း၊​ မြောက်မှ​ တောင်ဆိုတာက ဗိုလ်ချုပ်​အောင်ဆန်းလမ်း က​နေ ကမ်းနားလမ်းအထိပါ။ ခေတ်​တွေ စနစ်​တွေ​ ပြောင်းလာပြီး​နောက်မှာ ကျယ်ပြန့် လာတာပါ။ လူဦးရေတွေ တစတစများပြားလာ ခဲ့တာပါ။​ရေ​ပေး​ဝေမှု​တွေပိုမိုဖြန့်ကြက်လာ ရတာပါ။ မြို့ပြင်ဖြစ်တဲ့ တာ​မွေ၊ မရမ်းကုန်း၊ ကမာရွတ်၊ ဒဂုံ၊ မင်္ဂလာ​တောင်ညွန့်၊ အလုံ၊ စမ်း​​ချောင်း၊ ကြည့်မြင်တိုင်၊ ဗဟန်း စတဲ့မြို့နယ်​ တွေကိုပါ ဂျိုးဖြူကန်က​ရေကို ကုက္ကိုင်းကန်၊ ရွှေတိဂုံဘုရားကန်တို့ကတစ်ဆင့် တိုးချဲ့ဖြန့်ဝေ ​ပေးလာရတာ ဖြစ်ပါတယ်။”

“မူလက ဂျိုးဖြူ​ရေ​လှောင်ကန်က​နေ​ ရေကို ၅၆ လက်မရှိတဲ့ သံမဏိ​ရေပိုက်လုံးကြီး​ တစ်​လျှောက်ကို ကမ္ဘာမြေဆွဲအားနဲ့ ကုက္ကိုင်း​ရေ​လှောင်ကန်အထိ အ​ရောက်ပို့​ပေးနိုင်ခဲ့ ပါတယ်။ ဒါ​ပေမယ့် ဂျိုးဖြူကန်နဲ့ ကုက္ကိုင်း​ ရေ​လှောင်ကန်အကြားက​နေ ​ရေ​ဖောက်ယူ​ ပေးလာရတဲ့အတွက်​ ရေဖိအား​တွေ​ လျော့ကျ လာခဲ့ရပါတယ်။ ကုက္ကိုင်းကန်​ပေါ်ကို ကမ္ဘာ​မြေဆွဲအားနဲ့​ ရေက မ​​ရောက်နိုင်​တော့ဘူး။ အဲဒီ​တော့​ ရေကူး​ရေတွန်းအား စက်ရုံက​နေ တစ်ဆင့်​ ရေကိုတွန်းပို့ရတဲ့ အ​နေအထား ဖြစ်လာပါတယ်။”

“နောက်တစ်ခါကိစ္စက ရေကူးရေတွန်းအား စက်ရုံနဲ့ ကုက္ကိုင်း​ရေကန်အကြားမှာပဲ လူနေ ရပ်ကွက်​တွေ ရှိ​နေတဲ့အတွက် ဂျိုးဖြူပိုက် က​နေပဲ​ ရေကိုဖောက်ပေးရတာ​တွေ ရှိလာ ပြန်ပါတယ်။ အဲဒီလို​ ရေ​ကိုဖောက်​ပေးလာရတဲ့ အကျိုးဆက်က ဘာဖြစ်လာသလဲဆို​တော့ ကုက္ကိုင်းကန်ကြီးကို​ ရေပြည့်​အောင် မဖြည့် နိုင်​တော့ဘူး။ ဒါ့အပြင် ဂျိုးဖြူပိုက်လိုင်း တစ်​လျှောက်မှာက မင်္ဂလာဒုံ၊ ​မြောက်က္ကလာပ၊ မရမ်းကုန်းစတဲ့မြို့နယ်​တွေကလည်း ဂျိုးဖြူ​ ရေကိုပဲ အဓိကသုံးစွဲမှု​တွေရှိ​နေတော့ ခွဲ​ဝေ​ပေး​နေရပြန်​ရော။ ဒါကြောင့် မူလရည်ရွယ် ထားတဲ့ Downtown Area ကို​ ရေ​ပေး​ဝေ နိုင်​ရေးက အားနည်းမှု​တွေ ဖြစ်လာရပြန်ပါ တယ်။”

“ဂျိုးဖြူ​ရေ​ပေး​ရေးစနစ်မှာက တစ်ရက်ကို​ရေဂါလန် ၂၇ သန်းသာ​ ပေး​ဝေနိုင်တာ​မို့ အားလုံးမျှသုံးလာရတဲ့ အ​ခြေအ​နေ​ကြောင့် အချိန်ပိုင်း​ ရေ​ပေး​ဝေရေးစနစ် ဖြစ်​ပေါ်လာ ရခြင်းပါ။ အဲဒါကြောင့် Ground Water (​မြေ​အောက်​ရေ)ကို အားကိုးပြီး ​ရေ​ပေး​ဝေ​ရေးစနစ် ကို စတင်အသုံးပြုလာရတာ ဖြစ်ပါတယ်။ ဒါ​ပေမယ့်​ မြေ​အောက်​ရေက ထုတ်ယူသုံးစွဲမှု အချိန်ကြာလာတာနဲ့အမျှ​ ရေအရည်အ​သွေး က တဖြည်းဖြည်းနဲ့ ကျဆင်းလာတတ်တဲ့ သ​ဘောရှိပါတယ်။”

“ဆက်​ပြောရမယ်ဆိုရင်​တော့ အဲဒီလို အ​ခြေအ​နေမျိုး​တွေ ဖြစ်လာလိမ့်မယ်လို့လည်း ရန်ကုန်မြို့​တော်စည်ပင်သာယာ​ရေး​​ကော်မတီ အ​နေနဲ့ ကြိုတင်တွက်ဆ မှန်းဆထားပြီး လည်း ဖြစ်ပါတယ်။ နောက်ထပ်ရလာနိုင်မယ့်​ရေအရင်းအမြစ်​တွေက​နေရယူပြီး ​ ပေးနိုင်ဖို့ ကိုလည်း Master Plan​ တွေ​ ရေးဆွဲပြီးသား ပါ။ အခု ကုက္ကို၀​ရေ​ပေး​ဝေ​ရေးစီမံကိန်းကို JICA ODA Loan နဲ့ အ​ကောင်အထည်​ဖော်​နေပါပြီ။ လာမယ့် ၂၀၂၅ ခုနှစ်မှာ စီမံကိန်း ပြီးစီးမယ်။ အဲဒီအခါကျရင်​တော့​ ရေ​ပေး​ဝေ​ ရေးဇုန် ၁ ဖြစ်တဲ့ Downtown Area အပြင် မြို့နယ် ၁၄ မြို့နယ်ကိုပါ​ ရေ​အပြည့်အ၀​ ပေး​ဝေသွားနိုင်​တော့မှာပါ။ အဲဒီစီမံကိန်း က ပထမအဆင့်မှာကို တစ်ရက်​ ရေဂါလန် သန်း ၆၀ အထိ​ ပေးနိုင်မှာပါ။”

“​နောက်တစ်ခါ တစ်ဆက်တစ်စပ်တည်း​ရေ​ပေး​ဝေ​ရေးဇုန် ၉ ဖြစ်တဲ့ လှိုင်သာယာ မြို့နယ်ကိုပါ​ ပေးနိုင်တဲ့အဆင့်အထိရှိလာမှာ ပါ။ စီမံကိန်းက စတုတ္ထအဆင့်အထိ သွားမှာ ဆို​တော့ ဒီစီမံကိန်းကြီးပြီးသွားရင် တစ်ရက်ကို​ရေဂါလန်ပေါင်း ၁၈၀ အထိ​ ပေး​​ဝေသွားနိုင်​ တော့မှာ အ​သေအချာပါပဲ။”

“JlCA ODA Loan နဲ့ပဲ​ ဆောင်ရွက်​နေတဲ့​နောက်စီမံကိန်းတစ်ခုက လဂွန်းပြင် ​ရေ​ပေး​ဝေ​ရေးစီမံကိန်းပါ။ ၂၀၂၂ ခုနှစ်မှာ ပြီးမယ်။ ရေ​ပေး​ဝေ​ရေးဇုန်တွေဖြစ်တဲ့ ၇ နဲ့ ၈ မှာရှိတဲ့ ဒဂုံ​လေးမြို့နယ်အပြင် သီလဝါအထူးစီးပွား​​ရေးဇုန်အထိ တစ်ရက်ကို​ ရေဂါလန်သန်း ၄၀ ​​ လောက်အထိ​ ပေး​ဝေသွားနိုင်​မယ့်အစီအစဉ် တွေရှိပါတယ်။”

“ ADB ODA Loan နဲ့ပဲ အ​ကောင်အထည်​ ဖော်နေတဲ့​ နောက်ထပ်စီမံကိန်းတစ်ခုက​တော့ ငမိုးရိပ်​ရေ​လှောင်ကန်က​နေ​ ရေကိုပိုက်လိုင်း​ တွေနဲ့ သွယ်ယူပြီး ငမိုးရိပ်​ရေသန့်စင်စက်ရုံ (​ညောင်နှစ်ပင်)၊ အဲဒီက​နေတစ်ဆင့် တစ်ရက် ကို​ ရေဂါလန်သန်း ၁၈၀ ထိ​ ပေး​ဝေနိုင်ဖို့ပါ။ စီမံကိန်းက လက်ရှိဒုတိယအဆင့်အထိ ပြီး​နေ ပါပြီ။ ​ အခုရေသန့်စက်က​နေ တစ်​နေ့​ရေဂါလန်သန်း ၉၀ ​ပေး​နေပါပြီ။ အဲဒီစီမံကိန်း ကလည်း စတုတ္ထအဆင့်အထိသွားမှာပါ။ အဲဒီ က​​နေ ​ရေ​ပေး​ဝေမှုကဇုန် ၂ နှင့် ၃၊ ၄၊ ၅ အ​ရှေ့ ပိုင်းနဲ့ ဇုန် ၆ တို့ကို​ ပေး​ဝေသွားမှာပါ။”

“လှော်ကားက​နေ ​ရေ​ပေး​ဝေ​ရေးစီမံကိန်း ကို​တော့ AFD ODA Loan နဲ့ပဲ​ ဆောင်ရွက် သွားမှာ ဖြစ်ပါတယ်။ ဇုန် ၃ နဲ့ ၄ တို့ရဲ့ အ​နောက်ပိုင်းအတွက် ရည်ရွယ်တာပါ။ ​စီမံ ကိန်း ရေးဆွဲထားပြီး ဖြစ်ပါတယ်။ ဒလမြို့နယ် ပါ၀င်​နေတဲ့​ ဇုန် ၁၀ ကို​တော့ တိုးမြစ်​ရေ​ ပေး​ဝေ​ရေးစီမံကိန်းက​နေ ​ပေး​ဝေဖို့အစီအစဉ် ရှိထားပါတယ်။ စီမံကိန်းအမြန်ဆုံးအ​ကောင် အထည်​ဖော်ဖို့ကိုလည်း အ​ကောင်းဆုံ​းသော နည်းလမ်း​တွေကို​ ရွေးချယ်လျက်ရှိ​နေပါတယ်။ ရေလုံ​လောက်စွာ​ ပေးနိုင်ဖို့အတွက်​ ရေတို (Short Team)နည်းလမ်းအရ ရန်ကုန်​ပေါက်​ ရေ​ပေး​ဝေ​ရေးစခန်းကို အဆင့်မြှင့်တင်သွားမှာ ဖြစ်ပါတယ်။ ရေရှည်အဓိက (Mid Term) အ​နေနဲ့​ပါ။ တွံ​တေးတူး​မြောင်းဘေး တွံ​တေး မြို့နယ် ဘုရားကြီးစု​ကျေးရွာအနီးမှာ Japan JICS Grant ဖြင့်​ရေသန့်စင်စက်ရုံကို ၂၀၂၂ ခုနှစ်မှာ အပြီးတည်​ဆောက်သွားဖို့ အစီအစဉ် တွေက ရှိပြီးသားပါ။”

“ဒါဆို ရန်ကုန်မြို့​တော်စည်ပင်သာယာ​ ရေး​ကော်တီ ​ရေရရှိ​ရေးနှင့်​ ရေ​ပေး​ဝေ​ရေး လုပ်ငန်းတာ၀န်ခံအဖွဲ့အ​နေနဲ့ တိုးတက်လာ တဲ့ လူဦးရေနဲ့အညီ ရန်ကုန်မြို့ကြီးတစ်မြို့လုံး ကို လွှမ်းခြုံနိုင်​စေမယ့်​ ရေ​ပေး​ဝေ​ရေးအစီအမံ​ တွေကို သိရှိနိုင်ပြီလို့ထင်ပါတယ်။ ဒါကြောင့် ရန်ကုန်​ရေချစ်သူ​တွေ မကြာမီကာလမှာ သန့်ရှင်းကြည်လင်တဲ့​ ရေ​ကောင်း​ရေသန့်​တွေ ကို လုံလုံ​လောက်​လောက် ပြည့်ပြည့်၀၀ ကြီးသုံးစွဲလာနိုင်​တော့မှာ ဖြစ်ပါတယ်။”

“တစ်ဆက်တည်းပဲ ရန်ကုန်​ရေချစ်သူ​တွေ ကို​မေတ္တာရပ်ခံချင်တာက​တော့ စီမံကိန်းများ မပြီးသေးမီ (​ရေအရင်းအမြစ်သစ်များ မတိုးချဲ့ နိုင်​သေးမီ)မှာ ရရှိ​ထားပြီးဖြစ်တဲ့ ​ရေများကို အချိန်ပိုင်း မျှ​ဝေသုံးစွဲကြဖို့​ မေတ္တာရပ်ခံ လိုပါတယ်။ ​နောက်တစ်ချက်က ရရှိပြီးသား​ရေများကို အကျိုးရှိရှိ အသုံးပြုကြ​စေချင် ပါတယ်။ အဓိက ​ ရေအ​လေအလွင့်နည်းပါး နိုင်​ရေးအတွက် ဝိုင်းဝန်းထိန်းသိမ်းပေးကြပါလို့ ပန်ကြားလိုပါတယ်”လို့ဆိုရင်း အဆုံးသတ်ခဲ့ ပါတယ်။ ။

#မြန်မာ့အလင်း

#CleanYangon

#CleanMyanmar

တင်၀င်း​လေး(ကြည့်မြင်တိုင်) ဓာတ်ပုံ YCDC