ဒီနေ့ ပြင်သစ်အခြေစိုက် AFP သတင်းဌာနက Eco Brick စာကြည့်တိုက်အကြောင်းကို လာပီး မှတ်တမ်းတင်တယ်။

မှတ်တမ်းတင်ပြီးနောက် လူငယ်တစ်ယောက်လောက်ကို အင်တာဗျူးမေးခဲ့တယ်။ စေတနာ့ဝန်ထမ်းထဲက လူငယ်လေးတစ်ယောက်က ဘာဖြေလဲဆိုတော့ Eco Brick တစ်လုံးရဖို့အတွက် လွယ်မယ်ထင်ရပေမယ့် အတော်မလွယ်မှန်း တစ်ကယ်လုပ်ကြည့်မှ သိနိုင်ပါတယ်တဲ့ ဒါပေမယ့် ဒီတစ်လုံးစာလေးက ကမ္ဘာမြေအပေါ် ပလတ်စတစ်ညစ်ညမ်းမှုမဖြစ်စေဖို့ အတော်အသင့်ကူညီပေးနိုင်ပါတယ်တဲ့ Clean Yangon က ဆောက်လုပ်နေတဲ့ စာကြည့်တိုက်အတွင်းမှာ eco brick အလုံး (၅၀၀၀) လောက်ပါဝင်မှာဖြစ်သလို eco brick တစ်လုံးရဖို့ဆိုရင် တစ်နာရီကျော်လောက် အချိန်ပေးရပါတယ်။ နာရီပေါင်း (၅၀၀၀) က တစ်ဦးတစ်ယောက်တည်းအတွက် ဆို ရက်ပေါင်း (၂၀၀) ကျော်မယ်။ နယ်ပယ်စုံက စေတနာ့ဝန်ထမ်းတွေစုစည်းပြီး (၂) လနီးပါးဆောင်ရွက်ခဲ့ပြီးနောက် နာရီပေါင်း (၅၀၀၀) စာ Eco brick အလုံး (၅၀၀၀) ရရှိပါတော့မယ်

။ တစ်ချို့တွေဆိုရင် လှိုင်သာယာ၊ မင်္ဂလာဒုံ၊ တောင်ဒဂုံအစရှိသဖြင့် ​နေရာစုံကနေ ကိုယ့်စားရိတ်ကိုယ်စိုက်ပီး လုပ်အား လာကူနေကြတာ ရက်ပေါင်း (၆၀) နီးပါးပဲ တော်ရုံစိတ်ဓါတ်၊ တော်ရုံဇွဲသတ္တိနဲ့တော့ ဒီလိုနေ့စဉ် လာရောက်ပီး လုပ်အားပေးဖို့ ဘယ်ဖြစ်နိုင်မလဲ လေးစား ဦးညွှတ်ပါတယ်။

ကမ္ဘာမြေချစ်သူ သူရဲကောင်းလေးတို့ရေ ပိုကောင်းတဲ့ အနာဂတ်ဖြစ်စေဖို့အတွက် ပစ္စုပ္ပန်ကာလမှာပိုပီးအားစိုက်ကြမယ်လေ အားလုံးအတူတူပေါ့ #ecobrick #TogetherWeCan #CleanYangon #CleanMyanmar